辦公室不能輕信的10句話

「佢明明話咗xxx架喎，而家竟然講啲咁嘅嘢，分明係跣我啫！」不知天高地厚的新妹S，義憤填膺說出這樣的話。我雖不忍心將現實告之，但明白不早日讓他認清世途險惡，他日後的路將會更難行、被人跣得更甘。

「阿女……唔好急住怪人地跣你住，你要好好檢討下點解自己咁易就信到人地十足。」我嘗試以一個最不惹感冒的方式潑她冷水。

S以一雙天真嬌的眼神望著我，明顯入世未深。她load了一輪，才說︰「咁……咁我可以信邊個？」

這次，我投降了。我不知道可以相信誰或甚麼，只知道哪些話最不可信。

辦公室不能輕信的10句話
1/ 「我地唔會裁員。」
2/ 「你人工已經比其他同事高xx%喇。」
3/ 「我地真係畀唔起更高價位你。」
4/ 「你畀心機做，出年市道好啲，升職就到你。」
5/ 「你去馬啦，有咩事我同你一齊孭。」
6/ 「你聽我咁講去做，無老點，我會負全責。」
7/ 「咁我信晒你架啦喎。」
8/ 「佢淨係相信你，先會畀咁多嘢你follow。」
9/ 「我真係無呃你，我呃邊個都唔會呃你。」
10/ 「信我。」

對於S的小白兔式質詢，我實在感到非常難為。當老師都教學生互愛互信的時候，我怎麼可以叫她不去相信呢？

「信自己。」不知怎的，我吐出這三個字來。

大概S開始意識到跟我這阿叔糾纏下去，對大家都無好處，便識趣地說︰「我明明地嘅。唔阻你做嘢喇德少，我都係出去先。」

S轉身開門，「你都係唔好信我喇，做你自己就好。」我補充，然後再沒有別的話可以說。