我愛光脫脫！最受歡迎脫毛部位人氣榜

每年樂壇都會有唔少頒獎禮，由 Fans 選出最受歡迎嘅歌曲、歌手等等，以證明歌手們嘅實力，同埋人氣。而脫毛界都應該搞一場「我最喜愛光脫脫部位人氣頒獎典禮」，由各界美女做白滑代表，嘉許一下最熱門嘅脫毛部位！針對唔同嘅熱門部位，大家最鍾意用咩脫毛方法去處理呢？原來由古法線面、脫毛膏、蜜蠟，到激光脫毛都有啊～

第五位：勁有面 Miss Hong Kong 無面毛

Miss Hong Kong 2017 啱啱誕生，喺唔少媒體都見到佢哋嘅蹤影，但係落足眼力睇，都係搵唔到面毛嘅足跡！就算睇返 1991 年嘅香港小姐都一樣，白滑嘅面上果然一條毛毛都無！

面部肌膚比較幼嫩，好多人會選擇用古法線面，配合打結嘅麻線、特別嘅手法以及海堂粉，清除面毛之餘，仲話可以去油脂。由於係成個毛囊拔出，所以可以改善毛孔阻塞嘅問題，而且仲有令毛髮變幼嘅功效！不過真係要有返咁上下忍痛能力先做得喇……

第四位：手瓜起𦟌 杯緣子小姐 白滑手臂

杯緣子小姐由推出開始就爆紅，成日爬嚟爬去爬到手瓜起𦟌，仍然有一大堆日本 OL Fans，患哂「#杯緣子病」，皆因佢嘅 Lower arm 從來都係光脫脫，光滑「毛」瑕～

成日暴露喺人前嘅手臂係非常熱門嘅脫毛部位，最方便一定會係用脫毛膏，大範圍咁搽，再用剃刀或海棉沖走脫毛膏，輕鬆無痛脫毛！但係其實脫毛膏嘅原理係利用化學物質溶解毛毛，容易刺激皮膚，我就試過敏感起粒粒喇，所以之後都戒咗用脫毛膏嚕！

第三位：完美 Victoria’s Secret Angel 拒絕飛毛腿

Victoria’s Secret 嘅 Model 一向都係大家嘅偶像，喺 Runway 上面佢哋真係好似天使下凡咁靚！而觀眾一抬頭，就一定畀佢哋嘅長腿吸引住，如果有腳毛仲得了？

小腿脫毛嘅範圍更大，蜜蠟就最容易將毛毛連根拔起！蜜蠟脫毛前一定要先去角質，確保皮膚光滑，先可以順利將蜜蠟黐喺毛毛上面，然後以逆毛方向撕走蠟紙，只要不停重複，自然會麻木，痛都變唔痛喇～只不過咁粗暴，咪連對美腿都受傷埋囉？聽到都怕怕啊！

第二位：比堅尼女郎 比堅尼線最乾淨

講到明 Bikini Line，當然喺著 Bikini 嘅時候要加倍留意啦～睇吓一眾比堅尼女郎，連著起白色 Bikini 都唔怕毛毛走光，就知佢哋有做 Bikini 脫毛啦！

私密部位脫毛一定要非常緊慎，萬一整損受感染，比起露毛更加可怕！去到咁難處理嘅位，最好梗係搵專人代勞啦，激光脫毛就最徹底喇～無論係只脫 Bikini Line，抑或 Full Bikini，都任君選擇；依家嘅激光脫毛科技已經非常先進，唔需要敷冰，有內置智能降溫系統，連 Beauty QQ 都話無痛，仲竟然可以用舒服嚟形容𠻹！有咁正嘅體驗，難怪成為最受歡迎脫毛部位第二位啦～

第一位：優雅自由女神 點可以有腋毛

美國自由女神長期舉高隻手，如果畀人見到有加拿大毛毛點得㗎！會影響到形象㗎嘛～唔通真係會派專人去幫佢修葺？

Underarm 腋下脫毛依家邊洗咁麻煩㗎？因為佢係最受歡迎脫毛部位人氣榜禮第一位！坊間嘅脫毛公司入面，最多人做嘅入門部位都係腋下脫毛，始終係最有需要嘅，但係當然價錢方面都係有得揀，不過幾百蚊係咪真係脫得清就有保留喇，作為精明嘅消費者都知道，抵唔抵唔係睇表面價錢，而係值唔值，所以一定要識揀性價比高嘅激光脫毛公司～

兩間龍頭脫毛公司都有列出Underarm 腋下脫毛價錢：

Dermes 新客戶專享： 腋下：$6,800  (只限非繁忙時段) 腋下+上唇：$8,500 (繁忙時段)

Medilase Super Value Combo： 腋下+上唇 送 下唇：$8,500

單睇價錢又點知性價比係咪高呢? 所以揀激光脫毛公司都要上網睇埋服務同注意安全，睇埋口碑，如果有埋 30分鐘專屬分析，測試自己係咪適合做激光脫毛就會安心啲！

你也會感興趣的文章:

激光脫毛價錢2017 - 教你最抵價享受 Medilase Dermes激光脫毛